حلوة جافة من حلويات زمان تذوب بالفم تشكل بالشوكة مزينة بالشوكولا مقدمة من مطبخ ام وليد:
مقادير:
- 125غ مارغرين طرية
- 1 حبة بيض
- نصف كيس خميرة الحلويات
- فانيليا
- 2 م ك زيت
- 1 كأس نشاء
- نصف كأس سكر ناعم
- فرينة
- مربى و شوكولا للتزيين
التحضير:
- نخلط المارغرين مع البيض و الزيت و الفانيليا و السكر الناعم حتى تصبح كريمة
- ثم نضيف النشاء و خميرة الحلويات و قليل من الفرينة و نواصل الخلط
- نستمر في اضافة الفرينة مع الاستمرار في الخلط حتى نتحصل على عجينة طرية
- نرش كيس بلاستيكي بالفرينة و نضع فوقه العجينة و نرشها بالفرينة ثم نغطيها بكيس اخر و نفتحها بالحلال
- نطبع العجينة بطابع بيضوي ثم نضع حبات الحلوى في صينية فرن فيها ورق طهي
- نغمس الشوكة (الفرشيطة) في الفرينة ثم نضغط بها على حبات الحلوى من المنتصف الى احد الطرفين
- ندخلها للفرن مسخن مسبقا على 180 درجة حتى تطيب ثم نتركها تبرد تماما قبل التزيين
- نلصق كل 2 حبات مع بعض باستعمال المربى
- ثم نذوب شوكولا في حمام مائي بدون اي اضافات ثم نغطس فيها جهة الحبات العادية التي لم نضغط عليها بالشوكة
- ثم نتركها تجف تماما قبل التقديم
فيديو الوصفة:
ام وليد, مطبخ ام وليد, حلوة الفرشيطة, حلوة جافة, حلويات ام وليد, حلوة الفرشيطة نتاع زمان بحلة جديدة
